IMITSETFOSIMISO YENKANTOLO YEMTSETFOSISEKELO
UMengameli wemaJaji aseNingizimu Afrika, ngaphasi kwesigaba 171 semTsetfosisekelo weRiphabliki yaseNingizimu Afrika, 1996, nesigaba 16 semTsetfo wekuCombelela weNkantolo yemTsetfosisekelo, 1995 (uMtsetfo No. 13 wanga-1995), njengobe uchitjiyelwe, umise lemitsetfosimiso lecuketfwe kuleseNgeto lesilapha kutsi kulawulwe tindzaba letiphatselene netinchubo naloko lokwenteka eNkantolo yemTsetfosisekelo kusukela ngamhlaka 29 Meyi 1998*.
KWEHLUKANISWA KWEMITSETFOSIMISO
Lemitsetfosimiso yehlukaniswe ngalokulandzelako:
UmTsetfosimiso Tinchazelo (umTsetfosimiso 1)
INcenye I iNkantolo (umTsetfosimiso 2)
INcenye III Kuhlanganiswa kwetikhungo tembuso (umTsetfosimiso 5)
INcenye VII Tindzaba letingacutjungulwa yiNkantolo kuphela (umTsetfosimiso 14?-?17)
INcenye VIII Kufinyelela-ngco kanye nemacala lengcisiwe (umTsetfosimiso 18?-?21)
INcenye IX Timali netindleko (umTsetfosimiso 22?-?23)
INcenye X Timiso letihlanganisele (umTsetfosimiso 24???37)
IShejuli 1 Emafomu
IShejuli 2 Timali
LITHEBULA LALOKUCUKETFWE
KULANDZELANA NGETINOMBOLO
Inombolo yemTsetfosimiso Inchazelo
Tinchazelo
INkantolo
Ema-awa ekusebenta kwemBhalisi
Imisebenti jikelele yemBhalisi
Kuniketwa kwemaphepha embango
Kumelelwa kwetimbangi
Kuguculwa kwetimbangi
Ligunya lemmeli nobe ligunya lekumelela
Inchubo yekucalisa sicelo
Ticelo letiphutfumako
Kuphikisana
Kungeniswa kwemTsetfosivivinyo ngesicelo
Kuhambisana kwemTsetfo nemTsetfosisekelo
Kucinisekiswa kwesincumo sekungahambisani nemtsetfosisekelo
Kucinisekiswa kwemtsetfosisekelo wesifundza
Kufinyelela-ngco
Emacala lengcisiwe
Inchubo ngemacala lengcisiwe
Imininingwane leyengetiwe lokumele iniketwe umBhalisi
Kucinisekiswa kwetindleko netimali tebameli
Timali teNkantolo
Umtapo wetincwadzi
Tekuhumusha
Emamodeli, imidvwebo nemazibithi
Kuhociswa kwemacala
Simo semiculu
Kusetjentiswa kwemitsetfosimiso letsite yemiTsetfosimiso leTintile
Kusetjentiswa kwetigaba letitsite temTsetfo weNkantolo lePhakeme, 1959 (UmTsetfo No. 59 wanga-1959)
Imiculu leyetfulelwe kusoma imininingwane lenembako
Kungalandzeli imitsetfosimiso
Kusetjentiswa: Sigaba 3 semTsetfo wekuCombelela weNkantolo yemTsetfosisekelo, 1995 (UmTsetfo No. 13 wanga-1995)
Timiso tesikhashana
Kuhociswa kwemitsetfosimiso
Kungcubutana emkhatsini kwemahumusho
Sihloko lesifinyetiwe
Inombolo yemTsetfosimiso. Sihloko
Imininingwane leyengetiwe lokumele iniketwe umBhalisi
Emacala lengcisiwe
Kusetjentiswa kwemitsetfosimiso letsite yemiTsetfosimiso leTintile
Kusetjentiswa kwetigaba letitsite temTsetfo weNkantolo lePhakeme, 1959 (UmTsetfo No. 59 wanga-1959)
Inchubo yekucalisa sicelo
Kuphikisana
Kuguculwa kwetimbangi
Kungcubutana emkhatsini kwemahumusho
INkantolo
Kucinisekiswa kwemtsetfosisekelo wesifundza
Kucinisekiswa kwesincumo sekungahambisani nemtsetfosisekelo
Kuhambisana kwemTsetfo nemTsetfosisekelo
Tinchazelo
Kufinyelela-ngco
Imiculu leyetfulelwe kusoma imininingwane lenembako
Kusetjentiswa: Sigaba 3 semTsetfo wekuCombelela weNkantolo yemTsetfosisekelo, 1995 (UmTsetfo No. 13 wanga-1995)
Timali teNkantolo
Simo semiculu
Imisebenti jikelele yemBhalisi
Umtapo wetincwadzi
Emamodeli, imidvwebo nemazibithi
Kungalandzeli imitsetfosimiso
Ligunya lemmeli nobe ligunya lekumelela
Inchubo ngemacala lengcisiwe
Kuhociswa kwemitsetfosimiso
Kungeniswa kwemTsetfosivivinyo
Ema-awa ekusebenta kwemBhalisi
Kumelelwa kwetimbangi
Kuniketwa kwemaphepha embango
Sihloko lesifinyetiwe
Kucinisekiswa kwetindleko netimali tebameli
Timiso tesikhashana
Tekuhumusha
Ticelo letiphutfumako
Kuhociswa kwemacala
Tinchazelo
Kulemitsetfosimiso nobe nguliphi ligama nobe sisho lesiniketwe inchazelo kumTsetfosisekelo sitawuba naleyo nchazelo futsi, ngaphandle uma ingcikitsi ibonisa ngalokunye?
i-afidavithi' ifaka ekhatsi sicinisekiso nobe simemetelo njengalokulindzeleke esigabeni 7 semTsetfo webaGcini bekuThula nebaFungisi, 1963 (UmTsetfo No. 16 wanga-1963);
kufaka sicelo' kusho kufaka sicelo ngekwatisa ngekwesatiso kantsi ?sicelo? sinenchazelo lehambisanako;
uMengameli wemaJaji aseNingizimu Afrika ' kusho uMengameli wemaJaji aseNingizimu Afrika lokhetfwe ngekulandzela sigaba 174 semTsetfosisekelo;
umTsetfosisekelo' kusho umTsetfosisekelo weRiphabliki yaseNingizimu Afrika, 1996;
iNkantolo' kusho iNkantolo yemTsetfosisekelo lesungulwe ngaphasi kwesigaba 166(a) semTsetfosisekelo, sifundvwa nelucetu 16 (a) lweShejuli yemTsetfosisekelo;
luSuku lweNkantolo' kusho nobe nguluphi lusuku ngaphandle kweMgcibelo, liSontfo nobe liholide lemphakatsi, kantsi tinsuku teNkantolo kuphela letitawusetjentiswa ekubalweni kwesikhatsi lesiphawulwe ngaphasi kwalemitsetfosimiso nobe lesimiswe ngekwesincumo seNkantolo;
liSekela leMengameli wemaJaji aseNingizimu Afrika 'kusho liSekela leMengameli wemaJaji aseNingizimu Afrika lelikhetfwe ngekulandzela sigaba 174 semTsetfosisekelo;
imiyalelo' kusho imiyalelo leniketwe nguMengameli wemaJaji aseNingizimu Afrika mayelana netinchubo letitawulandzelwa ekuchutjweni nasekucutjungulweni kwemacala;
lijaji' kusho lijaji nobe lijaji lesikhashana leNkantolo lelikhetfwe ngaphasi kwesigaba 174 nobe 175 semTsetfosisekelo, lelikuleso sikhundla ngaphandle kwasenkantolo levulekile;
sikhungo setemtsetfo' kusho sikhungo setemfundvo yemtsetfo ngekwenta kwebafundzi eluphikweni lwetemtsetfo enyuvesi eRiphabliki, futsi kufaka ekhatsi sikhungo setemtsetfo lesilawulwa yinhlangano lengasebenteli inzuzo leniketa umphakatsi lusito lwemisebenti yetemtsetfo mahhala futsi lesicinisekisiwe njengalokulindzeleke esigabeni 3 (f) semTsetfo webaMeli, 1979 (UmTsetfo No. 53 wanga-1979);
ummeleli wetemtsetfo' kusho ummeli wasemajajini lowemukelwe ngekulandzela sigaba 3 semTsetfo wekweMukelwa kwebaMeli basemaJajini, 1964 (UmTsetfo No. 74 wanga-1964), nobe ummeli lowemukelwe ngekulandzela sigaba 15 semTsetfo webaMeli, 1979 (UmTsetfo No. 53 wanga-1979);
imbangi' nobe lelinye ligama lelicondzise kummangali nobe ummangalelwa kufaka ekhatsi ummeleli wetemtsetfo lovela egameni laleyo mbangi, njengobe ingcikitsi ingabonisa;
uMengameli' kusho uMengameli weNkantolo lePhakeme yeKwengcisa emaCala;
umBhalisi' kusho umBhalisi weNkantolo, futsi kufaka ekhatsi umBhalisi wesikhashana nobe lisekela lemBhalisi weNkantolo, kantsi uma bangekho kusho nobe ngumuphi umuntfu logcotjwe ngumCondzisi weNkantolo;
sitfunywa senkantolo' kusho umuntfu lokhetfwe ngekulandzela sigaba 2 semTsetfo wetiTfunywa teNkantolo, 1986 (UmTsetfo No. 90 wanga-1986), futsi kufaka ekhatsi umuntfu lokhetfwe ngekulandzela sigaba 5 nobe sigaba 6 salowo mTsetfo njengesitfunywa sesikhashana nobe lisekela lesitfunywa, ngalokufanalekile, kanye nesitfunywa, sitfunywa sesikhashana nobe lisekela lesitfunywa lesikhetfwe ngekulandzela nobe ngumuphi umtsetfo longakahociswa sigungu lesigunyatiwe futsi lobewusebenta madvute-nje ngembi kwekucala kwemTsetfosisekelo, kunobe nguyiphi indzawo leyincenye yemhlaba wavelonkhe;
imiTsetfosimiso yeNkantolo lePhakeme yeKwengcisa emaCala' kusho imitsetfosimiso lelawula kuchutjwa kwetinhlelo teNkantolo lePhakeme yeKwengcisa emaCala njengalokushicilelwe kuSatiso saHulumende Nombolo R.?1523 samhlaka 27 Novemba 1998; kantsi imiTsetfosimiso leTintile' kusho imitsetfosimiso lelawula kuchutjwa kwetinhlelo tetincenye letehlukahlukene tetifundza netetigodzi tetinkantolo letiphakeme njengalokushicilelwe kuSatiso saHulumende Nombolo R.?48 samhlaka 12 Januwari 1965, njengalokuchitjiyelwe.
Nobe nguwaphi emandla nobe ligunya lelisemahlombe eMengameli wemaJaji aseNingizimu Afrika ngekulandzela lemitsetfosimiso lingasetjentiswa lijaji nobe ngemajaji lagcotjwe nguMengameli wemaJaji aseNingizimu Afrika ngaleyo nhloso.
Nobe ngukuphi kuphawula kulemitsetfosimiso lokucondzise kumbangi lokumele isayine umculu kutawutsatfwa njengalokufaka ekhatsi ummeleli wetemtsetfo lomele leyo mbangi, kantsi kuphawula lokucondzise ekwetfuleni imiculu nemBhalisi njengalokufaka ekhatsi kuniketwa ngaphambilini kwaleyo miculu kwaletinye timbangi kanye nekwetfulwa kwemakhophi langu-25 ayo yonkhe imiculu lefanelekile neluhlobo lwe-elekthroniki lwayo loluhambisana neluhlobo lwekhompuyutha lolusetjentiswa yiNkantolo nemBhalisi.
Tatiso, imiyalelo nobe lokunye kuchumana ngekulandzela lemitsetfosimiso kunganiketwa nobe kwentiwe ngeliposi lelibhalisiwe nobe ngefeksi nobe lenye ikhophi ye-elekthroniki: Ngaphasi kwembandzela wekutsi uma leso satiso nobe lokunye kuchumana kuniketwa ngekhophi ye-elekthroniki, imbangi leniketa leso satiso nobe kuchumana itawuphindze yetfule ikhophi lephatsekako yaleso satiso nobe kuchumana nemBhalisi, nesitifiketi lesisayinwe nguleyo mbangi lesicinisekisa lusuku lwaleso satiso nobe kuchumana.
UMengameli wemaJaji aseNingizimu Afrika angengeta nobe ngusiphi silinganiso sesikhatsi lesimiswe kulemitsetfosimiso.
Kuphikisana lokubhaliwe, timphendvulo kanye nalokunye kutiphendvulela eNkantolo kutawuba ngulokucacile nalokunembako.
Ticelo titawuba nguletifundzekako futsi tibhalwe ephepheni lebukhulu be-A4 lelinetikhala temigca lemibili, letibhalwe ngemshini.
Ngaphasi kwembandzela wemtsetfosimiso 5, timiso temtsetfosimiso 4 temiTsetfosimiso leTintile titawusebenta, ngetingucuko letifanelekile, ekwetfulweni kwanobe nguwaphi emaphepha ekucalisa umbango eNkantolo.
INCENYE I
INkantolo
Kutawuba nemathemu lamane kulowo nalowo mnyaka njengalokulandzelako:
Licala lingalalelwa ngaphandle kwethemu uma uMengameli wemaJaji aseNingizimu Afrika ayalela njalo.
Uma lusuku lolumiselwe kucala kwethemu lungesilo lusuku lweNkantolo, lethemu itawucala ngelusuku lolulandzelako lolulusuku lweNkantolo kantsi, uma lusuku lolimiselwe kuphela kwethemu lungesilo lusuku lweNkantolo lethemu itawuphela ngelusuku lweNkantolo lolwendvulelako.
UMBHALISI
Ema-awa ekusebenta kwemBhalisi
Lihhovisi lemBhalisi litawuvulwa kusukela nga-08:30 kuya ku-13:00 kanye nango-14:00 kuya ku-15:30 ngetinsuku teNkantolo.
UmBhalisi ngaphasi kwetimo letikhetsekile angemukela imiculu ngesikhatsi lesingephandle kwema-awa ekusebenta, futsi utawenta njalo uma ayalelwa lijaji.
Imisebenti jikelele yemBhalisi
Satiso sekwengcisa licala, sincumo senkantolo lesicondzisa nobe nguluphi ludzaba kulenye inkantolo, nobe umculu lokucaliswa ngawo licala eNkantolo ngekulandzela lemitsetfosimiso sitawubhalwa tinombolo ngumBhalisi ngenombolo lelandzelako yemnyaka lesetfulwa ngawo.
Lowo nalowo mculu lowetfulwa ngalokulandzelako kulelo cala nobe kulelinye licala lelilandzelako leletfulwako utawumakwa ngaleyo nombolo nguleyo mbangi leyiwetfulako futsi angeke wemukelwe ngumBhalisi ngembi kwekutsi umakwe ngaleyo ndlela.
Yonkhe imiculu leyetfulwa kumBhalisi lokumele ifakwe ecaleni itawufakwa efayilini yelicala lenenombolo yalelo cala ngumBhalisi.
Yonkhe imiculu lephawulwe ngaphasi kwemtseshwanasimiso 1 itawendvulelwa kukhokhwa kwetimali tenkantolo letingu-R75,00 ngeluhlobo lwesitembu sentsela: Ngaphasi kwembandzela wekutsi uma imbangi yenetisa umBhalisi ngekulandzela umtseshwanasimiso 5 kutsi ingumuntfu loweswele, kukhokhwa kwetimali tenkantolo kutawuhociswa ngumBhalisi lotawubhala satiso lesikushoko loko ekhasini lekucala lalomculu lotsintsekako.
Imbangi lefisa kucalisa nobe kuphikisana nelicala eNkantolo futsi lenembono wekutsi yeswele, nanobe ngubani egameni laleyo mbangi, itawenetisa umBhalisi kutsi, ngaphandle kwemphahla yasendlini, tembatfo nemathuluzi ekusebenta, leyo mbangi ayinamphahla lefinyelela ku-R20?000 nekutsi angeke ikwati kukhokha lelo nani esikhatsini lesifanelekile emholweni wayo.
Uma kwentiwa emakhophi, imali lemiswe kumtseshwanasimiso 6a itawukhokhwa. Emakhophi elirekhodi angentiwa ngunobe ngubani kuphela-nje uma umBhalisi akhona.
a UmBhalisi ngekucelwa yimbangi utawenta ikhophi yanophe nguliphi lirekhodi lenkantolo ngemva kwekukhokhwa kwetimali tenkantolo ngetitembu tentsela ta-R0,50 ngalelo nalelo khophi lelikhasi le-A4 nobe incenye yalo kantsi ngekukhokhelwa imali lengu-R1,00 utawucinisekisa leyo khophi njengekhophi lekungiyo mbamba yamakhonya.
b Kukhokhwa kwetimali tenkantolo kungahociswa ngumBhalisi uma kutsintseka umuntfu loweswele njengobe kuphawulwe kumtseshwanasimiso 4 kanye 5.
Uma iNkantolo ikhipha sincumo lesiphawula nobe lesicinisekisa nobe ngumuphi umtsetfo nobe simiso sawo kutsi awuhambisani nemTsetfosisekelo ngaphasi kwesigaba 172 semTsetfosisekelo, umBhalisi, kungakapheli tinsuku letingu-15 ngemva kwekukhishwa kwaleso sincumo, utawuyalela kutsi leso sincumo sishicilelwe kuGazethi kanye nakugazethi yesifundza lesitsintsekako uma leso sincumo simayelana nemtsetfo wesifundza.
UmBhalisi utawushicilela luhlu lwekulalelwa kwemacala, lolutawunanyatseliswa ebhodini yetatiso esakhiweni seNkantolo kungakapheli tinsuku letingu-15 ngembi kwaleyo themu khona kutawusitakala bameleli betemtsetfo kanye nekwatisa umphakatsi.
Imiyalelo mayelana nanobe ngutiphi tinchubo itawuniketwa kutimbangi letitsintsekako ngumBhalisi kungakapheli tinsuku letisihlanu ngemva kwekuba leyo miyalelo ikhishiwe.
a UmBhalisi utawugcina emarekhodi eNkantolo futsi angeke avumele kutsi nobe nguwaphi kuwo akhishelwe ngaphandle kwesakhiwo senkantolo.
b Nanobe ngumuphi umculu lowetfulwe kumBhalisi wentiwa incenye yemarekhodi eNkantolo angeke emva kwaloko ukhishwe unomphela emafayilini asemtsetfweni enkantolo.
c Ngemva kwekucedvwa kwetinchubo eNkantolo, nobe nguwaphi emarekhodi amakhonya nemaphepha bekatfunyelwe eNkantolo ngulenye inkantolo kutawutfunyelwa kulenkantolo lokuvele kuyo.
a Uma kubonakala kumBhalisi kutsi imbangi ayikamelwa, utawutfumela leyo mbangi ehhovisi lelisedvute nobe kusiphatsimandla seKhomishani lemaLungelo eLuntfu, liBhodi leluSito lweTemtsetfo, sikhungo setemtsetfo nobe emtimbeni nobe esikhungweni lesinye lesifanalekile lesingatsandza futsi sikwati kusita leyo mbangi.
b UmBuso nobe umBhalisi angeke abe nelicala lekutiphendvulela ngemonakalo nobe kulahlekelwa lokungavela elusitweni loluniketwe nganembeza lomsulwa ngumBhalisi kuleyo mbangi etinchubeni teNkantolo nobe ekuchutjekisweni kwesincumo ngekulandzela lemitsetfosimiso ngeluhlobo lweseluleko setemtsetfo nobe ekubhalweni nobe ekuhlelweni kwanobe ngusiphi sincumo nobe umculu.
KUHLANGANISWA KWETIKHUNGO TEMBUSO
Kuniketwa kwemaphepha embango
Kunobe nguluphi ludzaba, lokufaka ekhatsi licala lelengcisiwe, lapho kunembango mayelana nekuhambisana nemtsetfosisekelo kwanobe ngusiphi sinyatselo nobe kutiphatsa kwesigungu nobe siphatsimandla sahulumende nobe sinyatselo nobe kutiphatsa kwesigungu nobe siphatsimandla sahulumende lokuhlongotwako, nobe luphenyo ngekuhambisana nemtsetfosisekelo kwanobe ngumuphi umtsetfo, kufaka ekhatsi nobe ngumuphi umTsetfo wePhalamende nobe lowo wesishayamtsetfo sesifundza, kanye neligunya lelengamele lesinyatselo nobe kutiphatsa kwesigungu nobe siphatsimandla sahulumende nobe lokuhlongotwa kwaso nobe kusetjentiswa kwalowo mtsetfo singakaphawulwa njengembangi kulelo cala, lembangi lefaka incabhayi mayelana nekuhambisana nemtsetfosisekelo kwaleso sinyatselo nobe kutiphatsa, kungakapheli tinsuku letisihlanu ngemva kwekwetfula kumBhalisi umculu lokucelwa ngawo incabhayi kwekucala etinchubeni teNkantolo, itawutsatsa tinyatselo tekuhlanganisa lomtimba lotsintsekako njengembangi kulelicala. Akukho sincumo lesimemetela leso sinyatselo, kutiphatsa nobe umtsetfo njengalongahambisani nemtsetfosisekelo lesitawukhishwa yiNkantolo kulelo cala ngaphandle kwekutsi letimiso talomtsetfosimiso setilandzelwe.
INCENYE I
TIMBANGI
Kumelelwa kwetimbangi
Ngaphandle uma iNkantolo nobe uMengameli wemaJaji aseNingizimu Afrika ayalela ngalenye indlela, akukho umuntfu lotawuvunyelwa kutsi amele lomunye umuntfu kunobe ngutiphi tinchubo teNkantolo ngaphandle kwekutsi lowo muntfu aneligunya lekuvela etinkantolo letiphakeme.
Kuguculwa kwetiMbangi
Uma imbangi ishona nobe iba sesimeni sekungakwati kuchubeka nelicala, lelicala litawumiswa ngaloko kudzimate kutfolakale ummeleli logunyatiwe nobe lomunye umuntfu losesimeni sekukwati kuchubeka nelicala lokhetsiwe endzaweni yaleyo mbangi, nobe kudzimate kuphele leso simo sekungakwati kuchubeka nelicala.
Uma umuntfu logunyatiwe nobe losesimeni sekukwati kuchubeka nelicala akhetfwe ngalokufanelekile, iNkantolo, ngemva kwesicelo lesifakiwe, ingancuma kutsi lowo muntfu logunyatiwe nobe losesimeni sekuchubeka nelicala angene esikhundleni saleyo mbangi leshonile nobe lebe sesimeni sekungakwati kuchubeka nelicala.
Nanobe ngumuphi umuntfu lonelilungelo lekungenelela nobe longahlanganiswa njengembangi embangweni angafaka sicelo sekutsi angenelele njengembangi, nobe kukusiphi sigaba sembango ngemva kwekuniketa satiso kuto tonkhe letinye timbangi. INkantolo nobe uMengameli wemaJaji aseNingizimu Afrika ngekwemukela leso sicelo anganiketa sincumo, lokufaka ekhatsi nobe ngusiphi sincumo mayelana netindleko, futsi anikete nobe nguyiphi imiyalelo mayelana netinchubo letilandzelako kulelo cala njengobe kudzingekile.
Ligunya lemmeli nobe ligunya lekumelela
Akunaligunya lemmeli lokumele letfulwe, kepha ligunya lemmeleli wetemtsetfo lekuma egameni lanobe nguyiphi imbangi, kungakapheli tinsuku letingu-21 ngemva kwekutsi kubonakele kulenye imbangi kutsi ummeleli wetemtsetfo umele leyo mbangi, nanobe uma imvume iniketwe yiNkantolo ngekulandzela tizatfu letivakalako letiniketiwe nanobe kunini ngembi kwekukhishwa kwesincumo, lingaphikiswa ngesatiso, bese emva kwaloko lommeleli wetemtsetfo angeke asachubeka nekumela, ngaphandle kwekutsi etfule ligunya lekumelela nemBhalisi kungakapheli tinsuku letingu-21 ngemva kwaleso satiso.
Lelo nanelo gunya lemmeli nobe ligunya lekumelela leletfuliwe litawusayinwa yimbangi nobe egameni lembangi leliliniketako, kantsi ngalokulandzelako litawuphunyeleliswa ngekulandzela umtsetfo.
Akukho gunya lemmeli nobe ligunya lekumelela lelitawudzingeka kutsi letfulwe ngumuntfu lomele umBuso.
INCENYE 
Ngaphasi kwemibandzela yalemitsetfosimiso, nanobe ngubani lonenshisekelo kunobe nguluphi ludzaba lolusembi kweNkantolo, ngemvume lebhaliwe yato tonkhe timbangi taloludzaba lolusembi kweNkantolo, leniketwe ngembi kwesikhatsi lesiphawulwe kumtseshwanasimiso 5, angemukelwa njengemngani embangweni ngaphasi kwetimiso nemibandzela futsi abe nalawo malungelo nemagunya njengobe kungavunyelanwa ngawo ngalokubhaliwe ngito tonkhe timbangi letisembi kweNkantolo nobe ngendlela uMengameli wemaJaji aseNingizimu Afrika angayalela ngayo ngekulandzela umtseshwanasimiso 3.
Lemvume lebhaliwe lephawulwe kumtseshwanasimiso 1 itawetfulwa kumBhalisi, kungakapheli tinsuku letisihlanu ngembi kwekutfolwa kwayo, kantsi umngani embangweni, ngetulu kwanobe ngusiphi lesinye simiso, utawulandzela tikhatsi lokuvunyelenwe ngato macondzana nekwetfulwa kwekuphikisana lokubhaliwe.
UMengameli wemaJaji aseNingizimu Afrika angachibiyela timiso, imibandzela, emalungelo nemagunya lokuvunyelenwe ngako njengobe kuphawulwe kumtseshwanasimiso 1.
Uma lemvume lebhaliwe lephawulwe kumtseshwanasimiso 1 isengakatfolwa, nobe ngubani lonenshisekelo eludzabeni lolusembi kweNkantolo angafaka sicelo kuMengameli wemaJaji aseNingizimu Afrika kutsi emukelwe kulolo dzaba njengemngani embangweni, kantsi uMengameli wemaJaji aseNingizimu Afrika angasivumela leso sicelo ngaphasi kwetisimiso nemibandzela kanye nemalungelo nemagunya njengobe angancuma.
Uma tilinganiso tesikhatsi tingakamiswa kulemiyalelo leniketwe kulolo dzaba sicelo lesingaphasi kwetimiso temtseshwanasimiso 4 sitawentiwa kungakapheli tinsuku letisihlanu ngemva kwekwetfulwa kwetiphakamiso letibhaliwe temmangalelwa nobe ngemva kwekutsi lesikhatsi sekwetfulwa kwaleto tiphakamiso sesiphelile.
a ngalokufishane sitawuchaza inshisekelo yalomngani embangweni kulelicala;
b ngalokufishane sitawuphawula luvo lolutsetfwe ngumngani embangweni kulelicala; futsi c sitawucacisa ngetiphakamiso letitawuchutjwa ngumngani embangweni, kuhambisana kwato nalelicala kanye netizatfu takhe tekukholelwa kutsi letiphakamiso titawusita iNkantolo nekutsi tehluke ngani kulelo taletinye timbangi.
Umngani embangweni utawuba nelilungelo lekwetfula kuphikisana lokubhaliwe, ngaphasi kwembandzela wekutsi loko kuphikisana lokubhaliwe akuphindzi nobe nguluphi lolunye ludzaba lolwendlalwe ekuphikiseni kwaletinye timbangi futsi kuveta luhlangotsi lolusha lolungaba lusito eNkantolo.
Ngaphasi kwemibandzela yetimiso temtsetfosimiso 31, umngani embangweni utawulinganiselwa kulirekhodi lelicala lelengcisiwe nobe lelingeniswe ngesicelo nekutsi emaphuzu latfoliwe kulamanye emacala angeke kwengete kulo futsi angeke etfule kuphikisana kwemlomo.
Sincumo lesiniketa ligunya lekwemukelwa njengemngani embangweni sitawuphawula lusuku lwekwetfula lokuphikisana lokubhaliwe kwemngani embangweni nobe lolunye ludzaba lolufanalekile.
Sincumo seNkantolo lesimayelana netindleko singaphawula ngekukhokhwa kwetindlelo letichitsiwe nobe letilandzela kungenelela kwemngani embangweni.
Timiso temtsetfosimiso 13 titawusebenta, ngaleto tichibiyelo letingadzingeka, kumngani embangweni.
TICELO
Inchubo yekucalisa sicelo
Ngaphandle kwalapho kumiswe ngalenye indlela, kunobe nguluphi ludzaba lapho sicelo sidzingekile nganobe ngusiphi sizatfu, kufaka ekhatsi -
a mayelana neludzaba lolulindzeleke ngekwesigaba 1674a semTsetfosisekelo, kanye b nekutfola imiyalelo yeNkantolo, leso sicelo sitawetfulwa ngekwesatiso sekucalisa licala lesesekelwa yi-afidavithi mayelana nemaphuzu ummangali lencike kuwo kutsi atfole sisombululo futsi sitawendlala likheli lesicu [lelingaphasi kwemakhilomitha langu-25 kusuka ehhovisi lemBhalisi] nelikheli laseposini, netinombolo tefeksi, netelucingo kanye nelikheli lencwadzigesi, uma kukhona, lapho atawemukela khona satiso nako konkhe kwetfulwa kwemaphepha lamayelana nalelicala futsi sitawuphawula lusuku, kungakapheli tinsuku letisihlanu ngemva kwekwetfulwa kwaso kummangalelwa, lapho nobe ngembi kwekutsi ummangalelwa alindzeleke kutsi atise ummangali ngalokubhaliwe kutsi ngabe uhlose kusiphikisa lesicelo futsi sitawuphindze sisho kutsi uma ngabe leso satiso singakaniketwa, umBhalisi utawucelwa kutsi etfule loludzaba ngembi kweMengameli wemaJaji aseNingizimu Afrika kutsi lucutjungulwe ngekulandzela umtseshwanasimiso 4.
Uma kucelwa sisombululo macondzana nanobe ngumuphi umuntfu, sikhungo, hulumende, sikhungo sahulumende, nobe uma kudzingekile nobe kufanelekile kuniketa nobe ngusiphi satiso salesicelo lesiphawulwe kumtseshwanasimiso 1, lesatiso sekucalisa licala sitawucondziswa kubobabili umBhalisi nalowo lophawulwe ngasekucaleni, futsi sitawendlala imininingwane ledzingekile, kufaka ekhatsi likheli lesicu, tinombolo tefeksi netelucingo kanye nelikheli lencwadzigesi, uma kukhona, kwemuntfu lokufunwa lesisombululo kuye, njengobe kutawuniketa umBhalisi indlela yekuchumana nalowo muntfu, ngale kwaloko sitawucondziswa kumBhalisi futsi sitawucishe sifane ngalokuphumelelako neliFomu 1 nobe 2, kuye ngesimo.
a Nobe ngumuphi umuntfu lophikisana nesincumo lesicelwa ngaphasi kwesatiso sekucalisa licala -
i kungakapheli sikhatsi lesiphawulwe kuleso satiso, utawatisa ummangali nemBhalisi ngalokubhaliwe ngenhloso yakhe yekuphikisana naleso sicelo futsi kuleso satiso utawukhetsa likheli ngaphasi kwemakhilomitha langu-25 lapho atawemukela khona satiso nako konkhe kwetfulwa kwemaphepha lamayelana nalelicala;
ii kungakapheli tinsuku letingu-15 ngemva kwekwatisa ummangali ngenhloso yakhe yekuphikisa leso sicelo utawetfula i-afidavithi yakhe yekutiphendvulela, uma ikhona, ihambisana nanobe nguyiphi imiculu lefanelekile, lengafaka ekhatsi ema-afidavithi ekwesekela.
b Ummangali angetfula i-afidavithi yekutiphendvulela kungakapheli tinsuku letingu-10 ngemva kwekwetfulwa kwe-afidavithi nemiculu lephawulwe endzimeni aii.
c i Uma satiso sekuphikisa singekho nobe uma kungekho afidavithi leyetfulwako ngekulandzela indzima a ii kungakapheli lesikhatsi lesiphawulwe endzimeni aii, umBhalisi utawufaka leso sicelo ngembi kweMengameli wemaJaji aseNingizimu Afrika kungakapheli tinsuku letisihlanu ngembi kwekuphela kwaleso sikhatsi.
ii Uma i-afidavithi yekutiphendvulela yetfuliwe, umBhalisi utawetfula leso sicelo ngembi kweMengameli wemaJaji aseNingizimu Afrika kungakapheli tinsuku letisihlanu ngemva kwekwetfulwa kwe-afidavithi yekutiphendvulela nobe, uma kungekho afidavithi yekutiphendvulela leyetfuliwe, kungakapheli tinsuku letisihlanu ngemva kwekuphela kwalesikhatsi lesiphawulwe endzimeni b.
d UMengameli wemaJaji aseNingizimu Afrika, uma aniketa imiyalelo ngaphasi kwemtseshwanasimiso 4, angavumela kwetfulwa kwema-afidavithi lengetiwe.
Uma sicelo sesetfulwe ngembi kweMengameli wemaJaji aseNingizimu Afrika ngekulandzela umtseshwanasimiso 3c, utawuniketa imiyalelo ngekutsi ngabe leso sicelo sitawucutjungulwa njani nekutsi, ikakhulukati, ngabe sitawumiselwa kulalelwa nobe sitawucutjungulwa ngekuhlolisisa kuphikisana lokubhaliwe nobe ngalokufinyetiwe ngekuhlolisisa lemininingwane lecuketfwe kuma-afidavithi.
Ticelo letiphutfumako
Eticelweni letiphutfumako, uMengameli wemaJaji aseNingizimu Afrika angawabekela eceleni emafomu nekwetfula lokuphawulwe kulemitsetfosimiso futsi anganiketa imiyalelo yekutsi loludzaba lucutjungulwe ngesikhatsi nangendlela nangekulandzela inchubo, lokutawulandzela lemitsetfosimiso ngalokungaphumeleleka, kuye ngesimo.
Sicelo ngekulandzela umtseshwanasimiso 1 ngekwesatiso sekucalisa licala sitawuhambisana ne-afidavithi leyendlala simo lesesekela kwehluka enchubeni leyetayelekile ngalokucacile.
Kuphikisana
Kuphikisana lokubhaliwe kutawetfulwa kusenesikhatsi. Kutawucukatsa lithebula lalokucuketfwe, nelithebula lekwesekela lokucashuniwe nemakhasi emiculu lapho lokwesekela kuphawulwe khona.
Kuphikisana kwemlomo angeke kuvunyelwe uma imiyalelo yaloko iniketwa nguMengameli wemaJaji aseNingizimu Afrika.
a Kuphikisana kwemlomo kutawuhambisana netindzaba letisembi kweNkantolo kantsi budze bako butawuba ngaphasi kwemibandzela yesikhatsi njengobe uMengameli wemaJaji aseNingizimu Afrika angancuma.
b Timbangi titawutsatsa kutsi onkhe emajaji akufundzile kuphikisana lokubhaliwe nekutsi asikho sidzingo sekuphindza loko lokwendlalwe kuko.
a Kuphikisa kungacondziswa eNkantolo nganobe nguluphi lulwimi lolusemtsetfweni kantsi imbangi letsintsekako angeke ibe nemtfwalo wekuletsa toliki.
b Uma umuntfu afisa kukhuluma neNkantolo ngelulwimi lolusemtsetfweni ngaphandle kwelulwimi lokubhalwe ngalo kuphikisana lokubhaliwe kwalowo muntfu, lowo muntfu, lokungenani kungakapheli tinsuku letisikhombisa ngembi kwekulalelwa kweludzaba lolutsintsekako, utawuniketa satiso lesibhaliwe kumBhalisi atise ngenhloso yakhe yekusebentisa lolunye lulwimi lolusemtsetfweni aphindze acacise kutsi ngabe nguluphi lolo lulwimi.
Ngekutitsandzela kweNkantolo, nobe ngekwesicelo sayinye nobe ngetulu yetimbangi, iNkantolo ingancuma kutsi emacala lamabili nobe ngetulu, lafaka ekhatsi lokubonakala ngatsi mibuto lefanako nobe lehlobene, atsetfwe kanyekanye njengelicala linye nobe ngalenye indlela njengobe kungancunywa.
TINDZABA LETINGACUTJUNGULWA YINKANTOLO KUPHELA
Kungeniswa kwemTsetfosivivinyo ngesicelo
Kungeniswa kwemTsetfosivivinyo ngesicelo ngekulandzela sigaba 794b nobe 1212b semTsetfosisekelo nguMengameli weRiphabliki yaseNingizimu Afrika nobe nguNdvunankhulu wesifundza, kuye ngesimo, kutawuba ngulokubhaliwe futsi lokucondziswe kumBhalisi nakuSomlomo wesiGungu saVelonkhe naSihlalo wemKhandlu waVelonkhe wetiFundza, nobe kuSomlomo wesishayamtsetfo sesifundza lesitsintsekako, kuye ngesimo.
Loko kungeniswa ngesicelo kutawuphawula -
a Simiso nobe timiso temTsetfosivivinyo lapho uMengameli weRiphabliki yeNingizimu Afrika nobe Ndvunankhulu wesifundza anetinsolo nobe kugongonyeka khona;
b simiso nobe timiso temtsetfosisekelo leteyamana naloko kugongonyeka; kanye c netesekelo nobe tizatfu taloko kugongonyeka.
Emacembu etepolitiki lamelwe ePhalamende yaVelonkhe nobe kusishayamtsetfo sesifundza lesitsintsekako, kuye ngesimo, atawuba nelilungelo lekwenta tetfulo letibhaliwe letihambisana nekucutjungulwa kwaloludzaba kungakapheli sikhatsi lesiphawulwe emiyalelweni leniketwe ngaphasi kwemtseshwanasimiso 4.
Ngemva kwekwemukela loko kungenisa ngesicelo, loludzaba lutawucutjungulwa ngekulandzela imiyalelo leniketwe nguMengameli wemaJaji aseNingizimu Afrika, lokungafaka ekhatsi umyalelo-
a locela Somlomo nobe Sihlalo wemKhandlu waVelonkhe wetiFundza lotsintsekako, kuye ngesimo, kutsi anikete imininingwane leyengetiwe ngendlela uMengameli wemaJaji aseNingizimu Afrika angabona ngayo kutsi kudzingekile nobe kufanelekile kutsi kucutjungulwe loludzaba; kanye b nekwenta lubito kuwo onkhe emacembu etepolitiki lanenshisekelo ePhalamende yaVelonkhe nobe sishayamtsetfo sesifundza lesitsintsekako, kuye ngesimo, langatsandza kwenta tetfulo letibhaliwe njengobe kungafaneleka ekucutjungulweni kwaloludzaba kungakapheli sikhatsi lesiphawulwe kulowo myalelo.
Kuhambisana kwemTsetfo nemTsetfosisekelo
Sicelo ngekulandzela tigaba 801 na-1221 temTsetfosisekelo lesifakwa ngemalunga esiGungu saVelonkhe nobe sishayamtsetfo sesifundza sitawungeniswa ngekwesatiso sekucalisa licala sesekelwa yi-afidavithi mayelana netinsongo labamangali labetsembele kuto kutsi batfole sisombululo futsi sitawetfulwa nemBhalisi siphindze siniketwe kuSomlomo wesiGungu saVelonkhe kanye, uma kudzingekile, nakuSihlalo wemKhandlu waVelonkhe wetiFundza, nobe kuSomlomo wesishayamtsetfo sesifundza lesitsintsekako, kuye ngesimo.
Lesatiso sitawucela Somlomo kanye, uma kudzingekile, naSihlalo wemKhandlu waVelonkhe wetiFundza, kutsi atise ngalesicelo kuwo onkhe emacembu etepoliki lamelwe kulendlu letsintsekako nobe kusishayamtsetfo ngalokubhaliwe kungakapheli tinsuku letisihlanu ngemva kwekutfola kwakhe leso sicelo.
Lesicelo lesiphawulwe kumtseshwanasimiso 1 sitawuhambisana nesitifiketi saSomlomo wesishayamtsetfo lesitsintsekako sekutsi timfuno tesigaba 802a nobe sigaba 1222a semTsetfosisekelo, kuye ngesimo, tilandzelwe.
Lesicelo lesiphawulwe kumtseshwanasimiso 1 sitawuphindze siphawule-
a simiso nobe timiso temTsetfo leticelwa incabhayi;
b lesimiso nobe timiso temTsetfosisekelo lokwetsenjelwe kuto ekuceleni lencabhayi;
c tesekelo lokucatjangwa ngato kutsi letimiso letitsintsekako tiyangcubutana; kanye d nesisombululo, lokufaka ekhatsi nesisombululo sesikhashana, lesicelwako.
a Nobe nguliphi licembu letepolitiki kusishayamtsetfo lesitsintsekako nobe ngumuphi hulumende lofisa kuphikisana nekuniketwa kwesincumo lesicelwa kuleso sicelo utawatisa umBhalisi ngalokubhaliwe kungakapheli tinsuku letingu-15 ngemva kwaleso sicelo ngaleyo nhloso yekuphikisa futsi, kuleso satiso, utawukhetsa likheli lapho leyo mbangi nobe hulumende atawemukela khona satiso nako konkhe kwetfulwa kwemaphepha lamayelana nalelicala.
b Uma leso satiso siniketwa, lesicelo sitawucutjungulwa ngekulandzela timiso temtsetfosimiso 11.
Uma satiso sekuphikisa singetfulwa ngekulandzela umtseshwanasimiso 5, loludzaba lutawucutjungulwa ngekulandzela imiyalelo leniketwe nguMengameli wemaJaji aseNingizimu Afrika, lokungafaka ekhatsi umyalelo -
a locela nobe nguyiphi imininingwane leyengetiwe njengobe uMengameli wemaJaji aseNingizimu Afrika angabona kudzingekile nobe kufanelekile kutsi kucutjungulwe loludzaba; kanye b nekutsi onkhe emacembu etepolitiki lamelwe ePhalamende yaVelonkhe nobe kusishayamtsetfo sesifundza lesitsintsekako, kuye ngesimo, lafisako ente tetfulo letibhaliwe letihambisana nekucutjungulwa kwaloludzaba kungakapheli sikhatsi lesiphawulwe kulowo myalelo.
Kucinisekiswa kwesincumo sekungahambisani nemtsetfosisekelo
UmBhalisi wenkantolo lekhiphe sincumo sekungahambisani nemtsetfosisekelo njengobe kulindzeleke esigabeni 172 semTsetfosisekelo, kungakapheli tinsuku letingu-15 ngemva kwaleso sincumo, utawetfula ikhophi yaleso sincumo nemBhalisi weNkantolo.
Umuntfu nobe sikhungo sahulumende lesinelilungelo futsi lesifisa kwengcisa licala mayelana naleso sincumo ngekulandzela sigaba 1722d semTsetfosisekelo, kungakapheli tinsuku letingu-15 ngemva kwekukhishwa kwaleso sincumo, utawetfula satiso sekwengcisa licala nemBhalisi kanye nekhophi yaleso satiso sekwengcisa nemBhalisi wenkantolo lekhiphe lesincumo, lokutawutsi emva kwaloko loludzaba lucutjungulwe ngekulandzela imiyalelo letawuniketwa nguMengameli wemaJaji aseNingizimu Afrika.
Lowo lowengcisa licala utawendlala ngalokucacile kuleso satiso tesekelo lokwengciswa ngato lelicala, kuphawulwe naloko lokutfoliwe lokuphatsekako kanye/nobe kwetemtsetfo lokwengciswako kanye nesincumo lokucatjangwa kutsi ngabe siniketiwe.
Umuntfu nobe sikhungo sahulumende lesinelilungelo futsi lesifisa kufaka sicelo sekucinisekisa sincumo ngekulandzela sigaba 1722d semTsetfosisekelo, kungakapheli tinsuku letingu-15 ngemva kwekukhishwa kwaleso sincumo, sitawufaka sicelo saloko kucinisekiswa nemBhalisi kanye nekhophi yaso nemBhalisi wenkantolo lekhiphe lesincumo, lokutawutsi emva kwaloko loludzaba lucutjungulwe ngekulandzela imiyalelo letawuniketwa nguMengameli wemaJaji aseNingizimu Afrika.
Uma kungekho satiso nobe sicelo njengalokulindzeleke kumitseshwanasimiso 2 na-4, ngalokulandzelanako, lesetfulwe kungakapheli sikhatsi lesimiswe, loludzaba lwekucinisekiswa kwesincumo sekungahambisani lutawucutjungulwa ngekulandzela imiyalelo letawuniketwa nguMengameli wemaJaji aseNingizimu Afrika.
Kucinisekiswa kwemtsetfosisekelo wesifundza
Somlomo wesishayamtsetfo sesifundza lesiphasise nobe lesichibiyele umtsetfosisekelo ngekulandzela tigaba 142 na-1442 temTsetfosisekelo futsi lofisa kutsi lowo mtsetfosisekelo nobe kuchitjiyelwa kwemtsetfosisekelo kucinisekiswe yiNkantolo utawucinisekisa ngalokubhaliwe lokucuketfwe ngulomtsetfosisekelo nobe kuchitjiyelwa kwemtsetfosisekelo sishayamtsetfo sesifundza aphindze etfule lowo mtsetfosisekelo nobe kuchitjiyelwa kwemtsetfosisekelo kumBhalisi nesicelo lesisemtsetfweni sekutsi iNkantolo yente imisebenti yayo ngekulandzela sigaba 144 semTsetfosisekelo.
Lesitifiketi lesilindzeleke kumtseshwanasimiso 1 sitawufaka ekhatsi sitatimende lesiphawula kutsi lomtsetfosisekelo nobe lokuchitjiyelwa kwemtsetfosisekelo kwaphasiswa sibalolinani lesidzingekile.
Nanobe nguliphi licembu letepolitiki lelimelwe kusishayamtsetfo sesifundza litawuba nelilungelo lekwetfula kuphikisana kwemlomo eNkantolo, ngaphasi kwembandzela wekutsi lelo cembu letepolitiki lingadzingeka kutsi lente setfulo lesibhaliwe eNkantolo ngembi kwalokuphikisana kwemlomo.
Ngemva kwekwemukelwa kwesicelo lesiphawulwe kumtseshwanasimiso 1, loludzaba lutawucutjungulwa ngekulandzela imiyalelo leniketwe nguMengameli wemaJaji aseNingizimu Afrika, lokungafaka ekhatsi-
a kubuyiselwa kuSomlomo kutsi anikete imininingwane leyengetiwe ngendlela uMengameli wemaJaji aseNingizimu Afrika angabona ngayo kutsi kudzingekile nobe kufanelekile kutsi kucutjungulwe loludzaba;
b umyalelo, lophawula sikhatsi lokumele singapheli ngembi kwekutsi tetfulo letibhaliwe letivela emacenjini laneshisekelo tibe setentiwe;
c umyalelo wekutsi nobe ngusiphi setfulo lesibhaliwe lesentiwe ngekulandzela indzima b kumele satiswe kulamanye emacembu etepolitiki lakusishayamtsetfo sesifundza ngendlela uMengameli wemaJaji aseNingizimu Afrika langayibona ifanelekile.
Sincumo seNkantolo ngekulandzela sigaba 144 semTsetfosisekelo singaphawula timiso temtsetfosisekelo wesifundza nobe kuchitjiyelwa kwemtsetfosisekelo, uma kukhona, lokweyamene naloko lokungahambisani nemTsetfosisekelo.
KUFINYELELA-NGCO KANYE NEMACALA LENGCISIWE
Kufinyelela-ngco
Sicelo sekufinyelela-ngco njengalokulindzeleke kusigaba 1676a semTsetfosisekelo sitawetfulwa ngekwesatiso sekucalisa licala, lesitawesekelwa yi-afidavithi, letawendlala emaphuzu ummangali lasekele kuwo kutsi atfole sisombululo.
Sicelo ngekulandzela umtseshwanasimiso 1 sitawetfulwa kumBhalisi siphindze siniketwe tonkhe timbangi letinenshisekelo-ngco nobe lengahle ibe khona kulesisombululo lesicelwako futsi sitawendlala -
a tesekelo lokucatjangwa kutsi tihambisana nebulungiswa lobufakazela kutsi kufinyelela-ngco kuvunyelwe;
b luhlobo lwesisombululo lesicelwako kanye netesekelo leso sisombululo letisuselwa kuto;
c kutsi ngabe loludzaba lungacutjungulwa yiNkantolo ngaphandle kwekulalelwa kwebufakazi bemlomo kanye nekutsi, uma lungeke, d ngabe lobo bufakazi kumele butfolakale njani kanye nekusonjululwa kwekungcubutana kwemaphuzu.
Nanobe ngubani umuntfu nobe imbangi lefisa kuphikisa lesicelo, kungakapheli tinsuku letingu-10 ngemva kwekwetfulwa kwaleso sicelo, utawatisa ummangali kanye nemBhalisi ngalokubhaliwe ngenhloso yakhe yekuphikisa.
Ngemva kwekwemukelwa kwaleso satiso senhloso yekuphikisa ngumBhalisi nobe lapho sikhatsi sekwetfulwa kwaleso satiso sesiphelile, loludzaba lutawucutjungulwa ngekulandzela imiyalelo leniketwe nguMengameli wemaJaji aseNingizimu Afrika, lokungafaka ekhatsi-
a umyalelo lobita bamangalelwa kutsi bente tetfulo letibhaliwe eNkantolo kungakapheli sikhatsi lesiphawuliwe mayelana nekutsi ngabe kufinyelela-ngco kumele kuvunyelwe nobe cha; nobe b umyalelo lophawula kutsi akukho tetfulo letibhaliwe nobe ema-afidavithi lokumele kuniketwe.
Ticelo tekufinyelela-ngco tingacutjungulwa ngesivinini, ngaphandle kwekulalelwa kwekuphikisana kwemlomo nobe lokubhaliwe ngaphandle kwaloko lokucuketfwe kulesicelo ngekwaso: Ngaphasi kwembandzela wekutsi uma ummangalelwa akhombise inhloso yakhe yekuphikisa ngekulandzela umtseshwanasimiso 3, sicelo sekufinyelela-ngco sitawuvunyelwa kuphela ngemva kwekutsi timiso temtseshwanasimiso 4a tilandzelwe.
Emacala lengcisiwe
Lenchubo leyendlalwe kulomtsetfosimiso itawulandzelwa esicelweni semvume yekwengcisa licala eNkantolo uma sincumo lesitsintsa umtsetfosisekelo, ngaphandle kwesincumo sekungahambisani nemtsetfosisekelo ngaphasi kwesigaba 1722a semTsetfosisekelo, siniketwe ngunobe nguyiphi inkantolo kufaka ekhatsi iNkantolo lePhakeme yeKwengcisa emaCala, futsi kungakhatsaleki kutsi ngabe uMengameli uyencabile imvume nobe imvume lelikhetselo yekwengcisa licala.
Imbangi legongonyekile ngesincumo senkantolo futsi lefisa kwengcisa lelo cala ngco eNkantolo ngeludzaba lwemtsetfosisekelo, kungakapheli tinsuku letingu-15 ngemva kwekukhishwa kwesincumo lesihlose kwengciswa futsi ngemva kwekuniketa satiso kulenye imbangi nobe letinye timbangi letitsintsekako, itawetfula sicelo sekucela imvume yekwengcisa licala nemBhalisi: Ngaphasi kwembandzela wekutsi uma uma uMengameli weNkantolo lePhakeme yeKwengcisa emaCala encabe imvume yekwengcisa licala lesikhatsi lesincunywe kulomtsetfosimiso sitawucala kusebenta kusukela ngelusuku lwesincumo sekwencaba imvume.
Sicelo lesiphawulwe kumtseshwanasimiso 2 sitawusayinwa ngummangali nobe ummeleli wakhe wetemtsetfo futsi sitawucukatsa -
a lesincumo lekwengciswa licala laso kanye netesekelo lokuphikisanwa ngato nalesincumo;
b sitatimende lesendlala ngalokucacile nalokunembako ludzaba lwetemtsetfosisekelo loluvuswa ngulesicnumo; kanye naletinye tindzaba lokufaka ekhatsi tindzaba lokusolelwa kutsi teyamene nesincumo ngeludzaba lwetemtsetfosisekelo;
c leyo mininingwane leyesekelako nobe kuphikisana njengobe ummangali angabona kufanelekile kutsi akwatise eNkantolo; kanye d nesitatimende lesibonisa kutsi ngabe ummangali ufake sicelo nobe uhlose kufaka sicelo semvume nobe semvume yelikhetselo yekwengcisa licala kunobe nguyiphi inkantolo, kantsi uma kunjalo:
i ngabe nguyiphi inkantolo;
ii ngabe leso sicelo sihambisana nemibandzela yekwencatjwa kwaso yiNkantolo; kanye iii nemphumela waleso sicelo, uma watiwa ngesikhatsi sekwentiwa kwesicelo eNkantolo.
a Kungakapheli tinsuku letingu-10 kusukela elusukwini lesicelo lesiphawulwe kumtseshwanasimiso 2 setfuliwe, ummangalelwa nobe bamangalelwa bangatiphendvulela kuso ngalokubhaliwe, baphawule kutsi ngabe lesicelo semvume yekwengcisa licala siyaphikiswa nobe cha, nekutsi uma ngabe kunjalo ngabe ngutiphi tesekelo taloko kuphikisa.
b Imphendvulo itawusayinwa ngummangalelwa nobe bamangalelwa nobe ummeleli wakhe wetemtsetfo.
a Ummangalelwa nobe bamangalelwa labafisa kwetfula kwengciswa kwelicala ngekulibhekisa emva eNkantolo eludzabeni lwetemtsetfosisekelo, kungakapheli tinsuku letingu-10 kusukela elusukwini lokwetfulwe ngalo sicelo ngaphasi kwemtseshwanasimiso 2, utawetfula sicelo semvume yekwengcisa licala ngekulibhekisa emva nemBhalisi.
b Timiso talemitsetfosimiso mayelana nekwengciswa kwemacala titawusebenta, ngetingucuko letidzingekile, ekwengcisweni kwemacala ngekubhekiswa emva.
a INkantolo itawuncuma kutsi ngabe lommangali utaniketwa imvume yekwengcisa licala.
b Ticelo temvume yekwengcisa licala tingacutjungulwa ngesivinini, ngaphandle kwekwemukela kuphikisana kwemlomo nobe lokubhaliwe ngaphandle kwaloko lokucuketfwe kulesicelo ngekwaso.
c INkantolo ingancuma kutsi sicelo semvume yekwengcisa licala sihlelelwe kulalelwa kwekuphikisana iphindze iyalele kutsi kuphikisana lokubhaliwe kwetimbangi kutsintse hhayi kuphela umbuto wekutsi ngabe sicelo semvume yekwengcisa licala kumele sivunywe, kepha nemaphuzu alombango. Timiso temtsetfosimiso 20, ngetingucuko letidzingekile, titawusebenta kulenchubo letawulandzelwa kulawo macala.
Inchubo ngemacala lengcisiwe
Uma imvume yekwengcisa licala iniketiwe ngekulandzela umtsetfosimiso 19, lowengcisa licala utawetfula aphindze achubele phambili lokwengcisa lelicala ngalendlela lelandzelako:
a Lowo lowengcisa licala utawulungisa aphindze etfule lirekhodi lelicala lelengcisiwe nemBhalisi kungakapheli lesikhatsi lesingahle simiswe nguMengameli wemaJaji aseNingizimu Afrika kumiyalelo.
b Ngaphasi kwemibandzela yetimiso temtseshwanasimiso c letingentasi, lirekhodi lelicala lelengcisiwe litawucukatsa sincumo senkantolo lapho lelicala lelengciwe libhalwe khona, kuhambisana nayo yonkhe imiculu leyetfulwe timbangi kuleyo nkantolo kanye nabo bonkhe bufakazi lobungahle betfulwe ecaleni futsi lobungahle buhambisane netindzaba lokumele ticutjungulwe.
c i Timbangi titawetama kufinyelela esivumelwaneni ngekutsi ngabe yini lokumele ifakwe kulirekhodi kantsi, uma kungafinyelelwa kuleso sivumelwane, lowo lowengcisa licala utawenta sicelo kuMengameli wemaJaji aseNingizimu Afrika kutsi kuniketwe imiyalelo mayelana nekubhalwa kwalelirekhodi.
ii Leso sicelo sitawuba ngulesibhaliwe futsi sitawendlala luhlobo lwembango emkhatsini wetimbangi mayelana nekubhalwa kwelirekhodi kanye netizatfu tekutiphendvulela kwalowo lowengcisa licala.
iii Ummangalelwa angatiphendvulela kulesicelo kungakapheli tinsuku letingu-10 ngemva kwekwetfulwa kwesicelo futsi utawendla tizatfu tekutiphendvulela kwemmangalelwa.
iv UMengameli wemaJaji aseNingizimu Afrika anganiketa lesicelo kulinye nobe ngetulu lemajaji, labangacubungula loludzaba kusukela emaphepheni nobe badzinge timbangi kutsi tivele embi kwabo ngelusuku lolutsite nangesikhatsi lesiphawuliwe kutsi batawuphikisana mayelana nekubhalwa kwelirekhodi.
v Lelijaji nobe emajaji latsintsekako atawuniketa imiyalelo mayelana nekubhalwa kwelirekhodi, sikhatsi lokumele singapheli ngembi kwekutsi lirekhodi letfulwe nemBhalisi kanye naletinye tindzaba letingatsatfwa ngulelijaji njengaletidzingekile ngenjongo yekwenta iNkantolo ikwati kucubungula lelicala lelengcisiwe, lokutawuba miyalelo lengahle ifake ekhatsi kutsi loludzaba alubuyiselwe emva enkantolo lebeyiliphetse ekucaleni kutsi kuyolalelwa bufakazi lobengetiwe lobuphawulwe kumiyalelo, nobe kutsi bufakazi lobengetiwe betfulwe embi kweNkantolo ngendlela ye-afidavithi nobe macondzana nenjongo yalelicala lelengcisiwe.
a Yinye yalamakhophi elirekhodi leletfulwe kumBhalisi itawucinisekiswa njengalefanele ngumBhalisi wenkantolo lapho lelicala lelengciswako lisuka khona.
b Emakhophi elirekhodi atawubhalwa ngemshini ngalokucacile ephepheni lelicinile le-A4, lelinesikhala semigca lemibili nge-yinki lemnyama yekubhala, ecadzini linye kuphela leliphepha.
c Imiculu lefundzekako lebeyibhalwe ngemshini nobe leshicilelwe ngeluhlobo lwamakhonya njengemasheke nalokufanako angeke kubhalwe kabusha ngemshini kantsi esikhundleni sayo emakhophi lacacile ephepheni le- A4 atawuniketwa.
d Lamakhasi atawufakwa tinombolo ngalokucacile futsi ngekulandzelana kantsi kulowo nalowo mugca welishumi lelo nalelo khasi litawufakwa inombolo kantsi letinombolo letisetjentiswe enkantolo lebeyiphetse licala ekucaleni titawugcinwa uma kuphumeleleka.
e Emarekhodi labucinsi atawehlukaniswa ngemitsamo leyehlukene lelinganisekile lecishe ibe ngemakhasi langu-100 ngamunye. Lelirekhodi litawuhlanganiswa ngalokucinile ngeluhlobo lwencwadzi kutsi limelane nekusetjentiswa njalonjalo futsi litawuhlanganiswa ngendlela yekutsi uma lisetjentiswa lihlale livulekile ngaphandle kwekuvinjwa nobe kutsikameteka.
f Onkhe emarekhodi atawuhlanganiswa ngalokucinile ngetisibekelo letifanele letibonisa inombolo yelicala, emagama etimbangi, inombolo yemtsamo kanye nenombolo yemakhasi lacuketfwe kulowo mtsamo, linani selilonkhe lemitsamo, inkantolo lebeyiphetse licala ekucaleni kanye nemagama ebameli betimbangi.
g Lokuhlanganiswa lokudzingeke ngaphasi kwalomtsetfosimiso kutawuba ngulokucine ngalokwenele kucinisekisa kusimama kwemaphepha lacuketfwe ngekhatsi kwemtsamo; kantsi uma lirekhodi licuketse munye nobe ngetulu wemitsamo, inombolo yalowo nalowo mtsamo kanye nelinani lemakhasi lacuketfwe kumtsamo kutawuvela ngetulu kwencenye yesitsatfu yemgogodla wemtsamo.
h Uma imiculu yetfulwe nemBhalisi, futsi leyo miculu ibhalwe ediskini yekhompuyutha, lembangi leyetfula lomculu uma kuphumeleleka itawuphindze inikete idiski lecuketse lelifayela lelicuketse lomculu kumBhalisi, nobe itfumele ikhophi ye-elekthroniki yalomculu lotsintsekako ngeluhlobo lwencwadzigezi lolutawukhetfwa ngumBhalisi njengalolufanelekile kukhompuyutha lesetjentiswa yiNkantolo ngesikhatsi sekwetfula lomculu, kumBhalisi [kulelikheli: registrar@concourt.org.za]: Ngaphasi kwembandzela wekutsi lokutfunyelwa kwaleyo khophi angeke kwetfule leyo mbangi letsintsekako umtfwalo ngaphasi kwemtsetfosimiso 13 wekwetfula linani lelimisiwe lemakhophi laphatsekako alomculu lowetfulwe ngaloluhlobo.
i Uma idiski iniketwa kumBhalisi lefayili itawukopelwa bese lediski ibuyiselwa kulembangi letsintsekako. Uma idiski nobe ikhophi ye-elekthroniki yemculu ngaphandle kwelirekhodi iniketwa, imbangi kumele yetfule kuphela emakhophi langu-13 alomculu lotsintsekako nemBhalisi.
Uma lirekhodi letfulwe ngekulandzela timiso tetindzima b na-c temtseshwanasimiso 1, umBhalisi utawuyalela kutsi satiso siniketwe timbangi talelicala lelengcisiwe lesitsi-
a lowo lowengcisa licala aketfule kuphikisana lokubhaliwe kumBhalisi lokwesekela kwengciswa kwelicala kungakapheli sikhatsi lesimiswe nguMengameli wemaJaji aseNingizimu Afrika futsi lesiphawulwe kuleso satiso; nekutsi b ummangalelwa etfule kuphikisana lokubhaliwe nemBhalisi atiphendvulele kuletinkhulumo talowo lowengcisa licala ngesikhatsi lesimiswe nguMengameli wemaJaji aseNingizimu Afrika, lokutawulandzela lusuku kuphikisana kwalowo lowengcisa licala kwetfulwe kummangalelwa.
Lowo lowengcisa licala angetfula kuphikisana lokubhaliwe nemBhalisi atiphendvulele kulokuphikisa kwemmangalelwa kungakapheli tinsuku letingu-10 kusukela kulolusuku kuphikisa kwemmangalelwa kwetfulwe kulowo lowengcisa licala.
UMengameli wemaJaji aseNingizimu Afrika angancuma kutsi ngabe lelicala lelengcisiwe litawucutjungulwa ngekulandzela lokuphikisana lokubhaliwe kuphela.
Ngaphasi kwemibandzela yetimiso temtseshwanasimiso 5, uMengameli wemaJaji aseNingizimu Afrika utawuncuma lusuku lokutawulalelwa ngalo kuphikisana kwemlomo, kantsi umBhalisi utawatisa tonkhe timbangi talelicala lelengcisiwe kungakapheli tinsuku letisihlanu ngembi kwelusuku lwekulalelwa kwelicala ngeliposi lelibhalisiwe nobe ngefeksi.
Imininingwane leyengetiwe lokumele iniketwe umBhalisi
Uma sicelo sekucinisekiswa kwesincumo sekungahambisani nemtsetfosisekelo nobe satiso sekwengcisa licala ngaleso sincumo setfulwa kumBhalisi ngekulandzela umtsetfosimiso 16, nobe sicelo semvume yekwengcisa licala setfulwa ngekulandzela umtsetfosimiso 19, ummangali nobe lowengcisa licala ngaso leso sikhatsi utawuniketa umBhalisi ngesiceshana?
a lesendlala budze belirekhodi, nobe uma lirekhodi licuketse bufakazi lobungakabhalwa phasi, silinganiso sebudze balelirekhodi kanye nesikhatsi lesidzingekile kutsi bubhalwe phasi;
b kutsi ngabe tikhona timo telikhetselo letingadzinga kulalelwa kwetinsuku letingetulu kwalunye nobe letingase ngalenye indlela tihambisane nemiyalelo letawuniketwa nguMengameli wemaJaji aseNingizimu Afrika.
TIMALI NETINDLEKO
Kucinisekiswa kwetindleko netimali tebameli
Imitsetfosimiso 17 na-18 yemiTsetfosimiso yeNkantolo lePhakeme yeKwengcisa emaCala mayelana nekucinisekiswa kwetindleko tebameli itawusebenta, kube netingucuko letidzingekile lapho kufaneleke khona.
Uma kwenteka kuphikisana kwemlomo nalokubhaliwe, timali tekuphikisana lokubhaliwe tingahle etimeni letifanelekile tivunyelwe njengelucetu loluyincenye letimele.
Timali tenkantolo
Ngetulu kwetimali teNkantolo lesetivele timisiwe ngaphasi kwalemitsetfosimiso letimali letikuShejuli 2 titawuba timali tenkantolo letikhokhelwa ngetitembu tentsela.
Lombandzela wemtsetfosimiso 44 kanye netimiso temtsetfosimiso 45 titawusebenta, kube netingucuko letidzingekile lapho kufaneleke khona.
INCENYE X
TIMISO LETIHLANGANISELE
Umtapo wetincwadzi
Umtapo wetincwadzi weNkantolo utawuvulekela kusetjentiswa ngemajaji, basebenti beNkantolo kanye nalabanye bantfu labanemvume yasomtapo ngenhloso yelucwaningo lwetemtsetfosisekelo.
Lomtapo wetincwadzi utawuvulwa ngaleto tikhatsi letifanelekile njengekwetidzingo teNkantolo futsi kusebenta kwawo kutawulawulwa mitsetfosimiso leyentiwe liKomiti lemTapo wetiNcwadzi weNkantolo ngekucocisana neMengameli wemaJaji aseNingizimu Afrika.
Tekuhumusha
Uma kwenteka lirekhodi nobe lomunye umculu lowetfulwe nemBhalisi licuketse incenye lebhalwe ngelulwimi lolusemtsetfweni lolungavisiswa ngiwo onkhe emajaji, umBhalisi utawucinisekisa kutsi leto tincenye talelo lirekhodi nobe mculu letitsintsekako titawuhunyushwa ngumhumushi lofungisiwe weNkantolo lePhakeme elulwimini nobe etilwimini letitawuviwa ngulawo majaji, futsi utawuniketa ikhophi yaloko kuhumusha kutimbangi.
Emamodeli, imidvwebo nemazibithi
Emamodeli, imidvwebo nemazibithi etintfo letiyincenye yebufakazi lokutsetfwe ecaleni nalokuletfwa eNkantolo kutsi kutawuhlolwa kutawugcinwa ngaphasi kweliso lemBhalisi lokungenani tinsuku letingu-10 ngembi kwekutsi lelicala lilalelwe nobe letfulwe.
Onkhe emamodeli, imidvwebo nemazibithi etintfo lokubekwe ngaphasi kweliso lemBhalisi kutawutsatfwa timbangi kungakapheli tinsuku letingu-40 ngemva kwekuncunywa kwelicala.
Uma loku kungentiwa, umBhalisi utawatisa imbangi letsintsekako kutsi itsatse letintfo kantsi uma tingakatsatfwa kungakapheli tinyanga letisitfupha ngemva kwaloko, umBhalisi utawutishabalalisa nobe ente ngato ngendlela labona ifanelekile yekutisusa.
Kuhociswa kwemacala
Uma tonkhe timbangi, kunobe ngisiphi sigaba ekutsetfweni kwelicala, tetfula sivumelwane lesibhaliwe kumBhalisi kutsi licala alihociswe, tiphawule imibandzela mayelana nekukhokhelwa kwetindleko kanye nekukhokhwa kwetimali letidzingekile kumBhalisi, umBhalisi, uma uMengameli wemaJaji aseNingizimu Afrika ayalela njalo, utawemukela loko kuhociswa, bese lokulandzelako kube ngukutsi iNkantolo angeke iphindze ibe nesandla kulolo dzaba.
Simo semiculu
Ngulowo nalowo mculu lowengca emakhasi langu-15, kungakhatsaleki ngendlela yekuphindzaphindza, utawuba nelithebula lalokucuketfwe lelinetinkhomba letishaya emhlolweni.
Ngulowo nalowo mculu ekupheleni kwawo utawuba neligama lembangi nobe ummeli wayo, likheli laseposini nelesicu, inombolo yefeksi nelucingo kanye nelikheli lencwadzigesi, uma kukhona, futsi umculu wamakhonya utawusayinwa yimbangi nobe ngummeli wayo.
a UmBhalisi angeke emukele nobe ngumuphi umculu lowetfulwako loletfwa ngeluhlobo lolungahambisani nalemitsetfosimiso, kepha utawubuyisela kulembangi lephutsile aphawule emaphuzu lapho kwehlulekwe khona kuhambisana nemitsetfosimiso: Ngaphasi kwembandzela wekutsi uma emakhophi lamasha nalafanelekile alowo mculu etfulwa kwesibili kungakapheli tinsuku letisihlanu ngemva kwesatiso lesibhaliwe, loko kwetfulwa angeke kutsatfwe njengalokushiywe sikhatsi.
b Uma iNkantolo itfola kutsi letimiso talemitsetfosimiso atizange tilandzelwe, ingabeka, ngekutsandza kwayo, tijeziso letifanelekile.
Kusetjentiswa kwemitsetfosimiso letsite yemiTsetfosimiso leTintile
Lemitsetfosimiso yemiTsetfosimiso leTintile, kube netingucuko letidzingekile lapho kufaneleke khona, itawusetjentiswa ekutsetfweni kwemacala eNkantolo:
Inombolo yemtsetfosimiso. Sihloko
 to 6 Kuhlanganiswa kwetimbangi eticelweni nasetindzabeni letihlobene
Kuchibiyela emaphepha ekutiphendvulela nemiculu
 Kutfola, kuhlola nekwetfulwa kwemiculu yembangi
 to 38 Kugodla bufakazi bekutsetfwa kwelicala
Kuguculwa nekuhociswa kwetincumo
Bahumushi labafungisiwe
Kutolikwa/kuhunyushwa kwebufakazi
Kwetfulwa, kuhlelwa nekuhlolwa kwemiculu
Kusetjentiswa kwetigaba letitsite temTsetfo weNkantolo lePhakeme, 1959 (UmTsetfo No. 59 wanga-1959)
Letigaba letilandzelako temTsetfo weNkantolo lePhakeme, 1959 (UmTsetfo No. 59 wanga-1959), titawusebenta, kube netingucuko letidzingekile lapho kufaneleke khona, ekutsetfweni kwemacala lachubeka eNkantolo sengatsi bekumitsetfosimiso yenkantolo yayo.
Sigaba Sihloko bis Kuphawulwa kwetindzaba letitsite kutsi tiphenywe bonompempe
Emandla enkantolo uma ilalele emacala lengcisiwe
Kuhlolwa kwebantfu bufakazi babo lobudzingeke emacaleni embango
Indlela yekubukana nemakhomishani, tincwadzi teticelo kanye nemiculu yemacala lasukela emaveni angephandle. Lesimiso sitawusebenta ngaphasi kwemibandzela yekufaka esikhundleni sesiNgisi nobe siBhunu lesisho lesitsi ?nobe nguluphi lulwimi lolusemtsetfweni?.
Imiculu leyetfulelwe kusoma imininingwane lenembako
Nanobe nguyiphi imbangi embangweni losembi kweNkantolo kanye nemngani embangweni lowemukelwe ngalokufanelekile yiNkantolo kunobe nguliphi licala lelitsetfwako utawuba nelilungelo, macondzana nemiculu leyetfulwe nemBhalisi ngekulandzela lemitsetfosimiso, lekusoma imininingwane lenembako lehambisana nekutsetfwa kweludzaba lolusembi kweNkantolo lolungabonakali ngalokucacile elirekhodini: Ngaphasi kwembandzela wekutsi leyo mininingwane-
a iyintfo leyatiwako nobe yintfo lengeke imane iguculwe; nobe b yeluhlobo lolusemtsetfweni, lwesayensi, lwesithekniki nobe lwetelubalonani lolukhona kucinisekiswa malula.
Tonkhe letinye timbangi titawuba nelilungelo, kungakapheli sikhatsi lesimiswe ngulemitsetfosimiso kutsi kuphendvulwe kulowo mculu, lekuvuma, kuphika, kugucula nobe kwenaba ngaleyo mininingwane ngendlela lokudzingeke ngayo futsi kutawusita iNkantolo ekufinyeleleni esincumeni lesifanelekile.
Kungalandzeli imitsetfosimiso
INkantolo nobe uMengameli wemaJaji aseNingizimu Afrika:
ngekutibonela kwabo nobe ngekwesicelo kanye nangetizatfu letivakalako letivetiwe, bangelula nobe banciphise nobe ngusiphi sikhatsi lesimiswe kulemitsetfosimiso futsi bangacolela kungalandzelwa kwalemitsetfosimiso; futsi banganiketa nobe nguyiphi imiyalelo etindzabeni talokwentekako, tenchubo kanye nekucutjungulwa kwanobe nguliphi licala lelengcisiwe, sicelo nobe lolunye ludzaba njengobe iNkantolo nobe uMengameli wemaJaji aseNingizimu Afrika angabona kunebulungiswa futsi kufanelekile.
Kusetjentiswa: Sigaba 3 semTsetfo wekuCombelela weNkantolo yemTsetfosisekelo, 1995 (UmTsetfo No. 13 wanga-1995)
Tincumo teNkanolo tetindleko titawusetjentiswa enkantolo yamantji ngalendlela lelandzelako:
Sincumo setindleko sitawuba nemphumela wesincumo sembango senkantolo yamantji kantsi imbangi lesicelo lesentiwe savumelana nayo itawutsatfwa njengemuntfu lokweletwako kulesincumo bese kutsi imbangi lesincumo lesentiwe sangavumelani nayo itawutsatfwa njengemuntfu lokweletako kulesincumo.
Imbangi sincumo setindlelo lesentiwe savumelana nayo, uma lesincumo setindleko singakalandzelwa, itawetfula i-afidavithi leyendlala imininingwane yesincumo setindleko kumBhalisi futsi lephawula kutsi lesincumo setindleko asikenetiswa nobe asikenetiswa ngalokugcwele, kuye ngesimo, nemali lesasele, futsi itawucela umBhalisi kutsi ayinikete ikhophi lecinisekisiwe yaleso sincumo setindleko.
UmBhalisi, ngemva kwekuhlola ifayili yenkantolo letsintsekako kucinisekisa lokucuketfwe kule-afidavithi, utawuniketa imbangi lephawulwe kumtseshwanasimiso 2 ngekhophi lecinisekisiwe yesincumo setindleko lesitsintsekako futsi utawubhala loko kuniketwa efayilini yeNkantolo.
Imbangi lephawulwe kumtseshwanasimiso 2 itawetfula lekhophi lephawuliwe namabhalane wenkantolo yembango yesigodzi lapho ihlala khona, ichuba libhizinisi nobe isebenta khona.
Leso sincumo sitawusetjentiswa ngekulandzela timiso temTsetfo wetiNkantolo taboMantji, 1944 UmTsetfo No. 32 wanga-1944, kanye nemiTsetfosimiso yasetiNkantolo taboMantji letishicilelwe ngaphasi kweSatiso saHulumende R. 1108 samhlaka-21 Juni 1968, njengobe tichitjiyelwe, mayelana netigunyato tekudla imphahla lentuntako naletintile kanye nekukhishwa kwetincumo tekudvosa emholweni kuphela.
Timiso tesikhashana
Uma kunesikhatsi lesiphawuliwe nganobe nguyiphi injongo ngekulandzela lemitsetfosimiso, kantsi leso sikhatsi besitawucala kusebenta ngembi kwekucala kwalemitsetfosimiso, leso sikhatsi sitawucala kusebenta kuphela ngelusuku lapho lemitsetfosimiso itawucala ngayo kusebenta.
Kuhociswa kwemitsetfosimiso
ImiTsetfosimiso yeNkantolo yemTsetfosisekelo leyashicilelwa ngaphambilini itawuhociswa ngelusuku lemitsetfosimiso icala kusebenta: Ngaphasi kwembandzela wekutsi nobe nguyiphi imiyalelo lebhaliwe lemayelana netinchubo letitawulandzelwa ekucutjungulweni lwembango nobe ludzaba emacaleni lavele asafakiwe itawuchubeka nekusebenta, ngaphandle uma ihociswe ngalokubhaliwe nguMengameli wemaJaji aseNingizimu Afrika.
Kungcubutana emkhatsini kwemahumusho
Lemtsetfosimiso ngasekucaleni beyibhalwe ngesiNgisi yabe seyihunyushelwa kuto tonkhe tilwimi letisemtsetfweni. Ngaleso sizatfu, uma kungahle kube khona kungcubutana, lihumusho lesiNgisi ngilo lelitawusetjentiswa.
Sihloko lesifinyetiwe
Lemitsetfosimiso itawubitwa ngemiTsetfosimiso yeNkantolo yemTsetfosisekelo, 2003.
IShejuli 1 - EMAFOMU
Inombolo yeliFomu
Satiso sekucalisa licala (siya kumBhalisi)
Satiso sekucalisa licala (siya kumBhalisi nemmangalelwa)
LIFOMU 1
SATISO SEKUCALISA LICALA
siya kumBhalisi
Inombolo yelicala...
Eludzabeni lwa-:
Ummangali
Uyatiswa kutsi lommangali lophawulwe ngenhla ufaka sicelo eNkantolo kutsi aniketwe sincumo lesingaloluhlobo lolulandzelako:
nekutsi i-afidavithi ya- ..., lenanyatseliswe lapha itawusetjentiswa ekwesekeleni leso sicelo.
Uyacelwa kutsi wetfule loludzaba ngembi kweMengameli wemaJaji aseNingizimu Afrika kutsi lucutjungulwe ngekulandzela umtsetfosimiso 11 .
Isayinwe e ..., ngalolusuku kwesi- ... lwa- ... 20 ...
Ummangali nobe ummeli
Siya kumBhalisi waleNkantolo lephawulwe ngenhla.
LIFOMU 2
SATISO SEKUCALISA LICALA
siya kumBhalisi nakumMangalelwa
Inombolo yelicala...
Eludzabeni ekhatsi kwa-:
Ummangalelwa
Uyatiswa kutsi ... (kusukela lapha lobitwa ngemmagali) uhlose kufaka sicelo kuleNkantolo ente sicelo sesincumo (a) ... (b) ... (c) ... (lapha cacisa luhlobo lwesincumo lesicelwako) nekutsi le-afidavithi lenanyatselisiwe ya- ... itawusetjentiswa kwesekela lesicelo.
Uphindze uyatiswa kutsi ummangali ukhetse ... (lapha faka likheli) njengelikheli lapho atawemukela khona satiso nako konkhe kwetfulwa kwemaphepha lamayelana nalelicala.
Uphindze uyatiswa kutsi uma ufisa kuphikisana nalesicelo kudzingeke kutsi (a) watise ummeli wemmangali ngalokubhaliwe ngembi kwamhlaka nobe ngamhlaka ... (lusuku) futsi (b) kungakapheli tinsuku letingu-15 ngemva kwekutsi unikete satiso sakho senhloso yakho yekuphikisana nalesicelo wetfule i-afidavithi yakho yekutiphendvulela, uma ikhona; nekutsi futsi ulindzeleke kukhetsa kuleso satiso likheli lapho utawemukela khona satiso nako konkhe kwetfulwa kwemaphepha lamayelana nalelicala.
Uma leso satiso senhloso yekuphikisana siniketiwe, ummangali utawucela umBhalisi kutsi etfule lolo dzaba ngembi kweMengameli wemaJaji aseNingizimu Afrika kutsi lucutjungulwe ngekulandzela umtsetfosimiso 11 .
Isayinwe e ..., ngalolusuku kwesi- ... lwa- ... 20 ...
Ummangali nobe ummeli
Siya ku: ...
Ummangalelwa
Likheli
UmBhalisi weNkantolo lengenhla
IShejuli 2
TIMALI
Kwetfulwa kwanobe ngusiphi sicelo (ngaphandle kwemculu wekucala) 10,00
Kwetfulwa kwe-afidavithi yekutiphendvulela (ngayinye) 10,00
Kwetfulwa kwesatiso sekwengcisa licala nobe kutiphendvulela ecaleni lelengcisiwe 15,00
Sincumo senkantolo lesiniketa imvume yekwengcisa licala 15,00
Tesitifiketi semBhalisi ngemakhophi emiculu lacinisekisiwe (ngalinye) 1,00
Timali tekucinisekisa kunobe nguluphi 25,00
Faka lusuku lwekucala kusebenta
